Ադրբեջանում Azadlıq-ը կարող է փակվել. զգուշացնում են
Turan լրատվական գործակալության փոխանցմամբ՝ ընդդիմադիր Azadlıq («Ազատություն») թերթի խմբագրությունը կրկին նամակ է ստացել «Ադրբեջան» հրատարակչատան ղեկավարությունից, որում զգուշացվում է թերթի թողարկման դադարեցման հնարավորության մասին, եթե նա իր պարտքերը չմարի մինչև հունիսի 27-ը: Այս մասին նշված է Azadlıq թերթի տարածած հայտարարության մեջ: Հաղորդվում է, որ հունիսի 1-ի դրությամբ թերթի պարտքը կազմում է 18.726 մանաթ (1 դոլարը համարժեք է 1.5 մանաթի), որից 17.662 մանաթը կազմում են տպագրման, իսկ 1064 մանաթը՝ կոմունալ ծախսերը: Ընդգծվում է, որ Azadlıq թերթն արդեն մի քանի տարի է՝ գտնվում է ֆինանսական բարդ իրավիճակում և չի կարողանում գումարներ ստանալ պետական ընկերություններից, ինչը թերթի խմբագրակազմի կարծիքով՝ արվում է գիտակցաբար՝ տնտեսապես թերթին խեղդելու համար:
Հետևեք մեզ Viber-ում
