Հազարավոր երեխաներ գաղթում են միայնակ

Այս տարի Իտալիայի տարածքով Եվրոպա ժամանած փախստական երեխաների 10-ից 9-ը միայնակ են ճանապարհորդում: Ինչպես փոխանցում է The Guardian-ը՝ այս տվյալները հայտնել է ՅՈՒՆԻՍԵՖ-ը`ՄԱԿ-ի մանկական գործակալությունը` նախազգուշացնելով «սարսափելի» վտանգների մասին, որոնց աղքատությունից և կռիվներից փախչելիս կարող են բախվել երեխաները:   Այս տարվա առաջին 5 ամսում ավելի քան 7000 միայնակ երեխա է Աֆրիկայի հյուսիսային շրջաններից հասել Իտալիա մի ճանապարհով, որը, ըստ ՅՈՒՆԻՍԵՖ-ի, ամենավտանգավորն է ներգաղթյալների համար:  Ըստ ՄԱԿ-ի գործակալության տվյալների` երեխաները վստահում են մարդկային թրաֆիքինգով զբաղվողներին` հաճախ դառնալով շահագործման զոհ: