Իլհամ Ալիևը հաստատեց

Turan լրատվական գործակալության փոխանցմամբ՝ Ադրբեջանի նախագահ Իլհամ Ալիևը հաստատել է «2015 թվականին պետբյուջեի կատարման մասին» օրենքը: Այս մասին նշված է երկրի նախագահի պաշտոնական կայքում տեղ գտած հայտարարության մեջ: Բյուջեի եկամտային մասը կազմում է 17 միլիարդ 498 միլիոն մանաթ (1 դոլարը հավասար է 1.52 մանաթի), իսկ ծախսերը՝ 17 միլիարդ 784.5 միլիոն մանաթ: Դեֆիցիտը կազմել է 286.5 միլիոն մանաթ կամ ՀՆԱ-ի 0.5 տոկոսը: Եկամուտների հիմնական մասը բաժին է ընկել պետական նավթային հիմնադրամի տրանսֆերտներին (8 միլիարդ 130 միլիոն մանաթ): Բյուջետային ծախսերի հիմնական մասը (9 միլիարդ 763.1 միլիոն մանաթ) բաժին է ընկնում, այսպես կոչված, ընթացիկ ծախսերին: Հունվարի 1-ի դրությամբ ֆինանսների նախարարության գանձարանում միջոցների մնացորդը կազմել է 1 միլիարդ 433.9 միլիոն մանաթ: