Օմար Մատինի թիրախը

Օռլանդոյի գեյ-ակումբում հրաձգություն իրականացրած Օմար Մատինը որպես հարձակման թիրախ դիտարկել է Walt Disney World զվարճանքների պարկը, որը գտնվում է Ֆլորիդա նահանգի նույն քաղաքում: Այս մասին People պարբերականին հայտնել են իրավապահ մարմինների աղբյուրները: Նրանց տեղեկատվությամբ՝ հանցագործի կինը՝ Նուր Զահի Սալմանը, հայտնել է, որ իր ամուսինը հետախուզել է տեղանքը այս տարվա ապրիլին միասին Disney Springs պարկ այցելելիս: Կինը խոստովանել է, որ Մատինը դիտարկել է այդ վայրը որպես ահաբեկչության վայր՝ Pulse գեյ-ակումբի հետ միասին: Պարբերականը նշում է, որ ի տարբերություն Walt Disney World-ի մեջ մտնող այլ պարկերի՝ Disney Springs-ում անվտանգությունը չի ստուգում այցելուների պայուսակները: Մուտքի մոտ բացակայում են նաև մետաղե դետեկտորները: