Ադրբեջանում նավթի արդյունահանումը կկրճատվի

2016 թվականի երկրորդ եռամսյակում Ադրբեջանում նավթի արդյունահանումը կկազմի օրական 0.85 մլն բարել, ինչն օրական 20 հազար բարելով պակաս է՝ առաջին եռամսյակի համեմատ: Ըստ haqqin.az-ի, այս մասին նշված է նավթի շուկայի մասին ՕՊԵԿ-ի զեկույցում: ՕՊԵԿ-ի գնահատմամբ, ապրիլին Ադրբեջանում նավթի արդյունահանումը կրճատվել է օրական 20 հազար բարելով՝ հասնելով 0.87 մլն բարելի: Հիմնականում նավթ է արդյունահանվում «Ազերի-Չիրագ-Գյունեշլի» բլոկում՝ թեթեւ տեսակի Azeri Light նավթ: BP-ի հաշվարկներով, 2016 թվականի սկզբի տվյալներով Ադրբեջանում նավթի ապացուցված պաշարները կազմում են 7 մլրդ բարել: Ադրբեջանի վիճակագրական պետական կոմիտեի տվալներով, 2015 թվականին երկրում 41.69 մլն տոննա նավթ ու գազի կոնդենսատ է արդյունահանվել, ինչը 0.8%-ով պակաս է նախորդող տարվա ցուցանիշից: