Նամազ չանողները կենդանիներ են. թուրք պրոֆեսոր
Նամազ չանողների մասին սկանդալային հայտարարություն արած թուրք պրոֆեսոր Աթիլլա Աքշարի դեմ Թուրքիայում բողոքի մեծ ալիք է սկսվել: Երկրի պետական TRT հեռուստաընկերության եթերում պրոֆեսորը մուսուլմանների սուրբ ամսվա՝ Ռամադանի ընթացքում նամազ չանողներին «կենդանիներ» է կոչել: «Կենդանիները նամազ չեն անում, և նրանք, ովքեր նամազ չեն անում, կենդանիներ են»,-ասել էր Աշքարը: Նրա այս հայտարարությանն արձագանքել է նաև Թուրքիայի հիմնական կրոնական մարմինը՝ Կրոնական հարցերի տնօրինությունը և այն անընդունելի է համարել: «Մեր կրոնում նամազի վայրը, նշանակությունն ու կարևորությունը բոլորը գիտեն, սակայն մարդու կրոնի ու հավատքի ազատությունը թիրախավորելն ու քննադատելն անընդունելի է»,-ասված է կառույցի տարածած հաղորդագրության մեջ:
Հետևեք մեզ Viber-ում
