Hürriyet թերթի գլխավոր խմբագիրը` Deutsche Welle-ի մրցանակի դափնեկիր

Hürriyet թերթի գլխավոր խմբագիր Սեդատ Էրգինը դարձել է Deutsche Welle Freedom of Speech Award-ի դափնեկիր, որը շնորհվում է խոսքի և մամուլի ազատության համար պայքարի ոլորտում աշխատանքի համար, հայտնում է RIA Novosti-ն: «Իմ երկրում խոսքի ազատության իրավիճակի լույսի ներքո այդ մրցանակն ունի հատուկ նշանակություն: Խոսքի ազատությունը մարդկության հիմնական արժեքներից մեկն է: Դա հասարակությունում մարդու գոյության էական ասպեկտն է»,- ասել է Էրգինը` Բոննում Deutsche Welle-ի մեդիա ֆորումում ընդունելով մրցանակը: Էրգինի խոսքով` Թուրքիայում շատ լրագրողներ և ԶԼՄ-ների աշխատակիցներ ենթարկվում են ճնշման: «Այդ ցուցակում իմ նախորդներից մեկն է՝ իմ թերթի գլխավոր խմբագիր Չետին Էմեչը»,- հայտնել է նա: Թուրքիայի դեմոկրատական կուսակցության հիմնադիրներից մեկը` Էմեչը, 1990 թվականին մահացել է հիվանդանոցի ճանապարհին, իր դեմ մահափորձի արդյունքում: «Ժողովրդավարության ճանաչումը` որպես աշխարհում հիմնական գերիշխող կառավարման ձև, այժմ ավելի ուժեղ վտանգի տակ է, քան վերջին 25 տարվա մեջ երբևէ»,- նշել է դափնեկիրը: Նրա խոսքով` ներկայումս մարդիկ ապրում են «այլատյացության, անհանդուրժողականության և ռասիզմի» աշխարհում: