Իրաքում ձերբակալվել են ԴԱԻՇ-ի զինյալներ

Իրաքի անվտանգության ուժերը երկու շաբաթվա ընթացքում ձերբակալել են 500-ից ավելի ԴԱԻՇ-ի ենթադրյալ զինյալների, որոնք փորձել են փախչել Էլ-Ֆալուջայից` խառնվելով քաղաքը լքող խաղաղ բնակիչներին, հայտնում է France Presse գործակալությունը` հղում կատարելով ոստիկանությանը: «Վերջին երկու շաբաթվա ընթացքում մենք ձերբակալել ենք 546 ենթադրյալ ահաբեկիչ, որոնք փորձել են փախչել, օգտվելով տեղահանված ընտանիքների տեղափոխությունից»,- գործակալությանը հայտնել է Անբար շրջանի ոստիկանապետ Հադի Ռզայեժը: Գործակալության տեղեկատվությամբ` երբ քաղաքը լքած բնակիչները հասնում են կառավարական զորքերի դիրքերին, երիտասարդներն ու տղամարդիկ ենթարկվում են անհատական ստուգման: Նրանցից ոմանք ազատ են արձակվում մի քանի ժամ անց, մի մասին էլ թողնում են ավելի մանրակրկիտ քննության համար: