Անգելա Մերկելը կայցելի Վրաստան
Գերմանիայի կանցլեր Անգելա Մերկելը կայցելի Վրաստան: Այս մասին ասել է Գերմանիայի Սաքսոնիա-Անխալ շրջանի վարչապետ Ռայներ Խազելոֆը, հայտնում է «Գրուզիա օնլայն» գործակալությունը: «Մի քանի օրից Գերմանիայում սպասում ենք Վրաստանի վարչապետի այցին: Մոտ ապագայում կանցլեր Անգելա Մերկելը նախատեսում այցելել Վրաստան: Մեծ ցանկություն ունեմ պաշտոնական պատվիրակության անդամ լինել, քանի որ ցանկանում եմ մոտիկից ծանոթանալ ձեր երկրին տարբեր ուղղություներով: Լավ է, որ մեր հարաբերությունները դառնում են ավելի ինտենսիվ եւ սերտ: Սա երկու երկրների համար մեծ ձեռքեբրում է», - հայտարարել է Խազելոֆը վրաստանցի լրագրողների հետ հանդիպմանը: Նշվում է, որ հունիսի 15-ին նախատեսվում է Վրաստանի վարչապետ Գեորգի Կվիրիկաշվիլիի հանդիպումը Գերմանիայի կանցլեր Անգելա Մերկելի հետ:
