Հարբած քաղաքացին գլխատել է իր 2-ամյա դստերը

Ամուրի մարզի Բելոգորսկի հարբած բնակիչը լույս հունիսի 12-ի գիշերը գլխատել է իր 2-ամյա դստերը: Lenta.ru-ին հաղորդմամբ՝ այս մասին հայտնում է քաղաքային վարչակազմի կայքը: Հանցագործությունը տեղի է ունեցել առանձնատանը, որտեղ բնակվում է 5 հոգուց բաղկացած ընտանիքը, այդ թվում՝ 2006-2013թ.թ.-ին ծնված 3 երեխաներ: Ըստ նախնական տվյալների՝ ծնողները ալկոհոլ են օգտագործել, ինչից հետո վիճաբանություն է սկսվել: Կինը, իր հետ վերցնելով առաջին ամուսնությունից ծնված աղջկան հեռացել է տնից՝ ամուսնուն թողնելով երկու երեխաների հետ: Տեղական ժամանակով ժամը 2-ին տղամարդն ինքն է ոստիկանությնաը հայտնել սպանության մասին: Ավելի ուշ նա պարզաբանել է, թե չի գիտակցել կատարվածը, քանի որ կարծել է, թե դուստրը տիկնիկ է: Կասկածյալը կալանավորված է: Մնացած 2 երեխաներին մեկուսացրել են ընտանիքից: