Եվրոպայում այլևս ուժեղ առաջնորդներ չկան. Սարկոզիի խորհրդական
Ֆրանսիայի նախկին նախագահ Նիկոլա Սարկոզիի խորհրդական և «Thomas Vendome Investment» ներդրումային ընկերության նախագահ Ժան-Պիեր Տոման կարծում է, որ այժմ Եվրոպայում ուժեղ առաջնորդներ չկան: «Խնդիրն ուժեղ առաջնորդների մեջ է, որոնց պակասն այժմ ունի Եվրոպան, և այդ խնդիրը շատ սուր է: Հասարակության շրջանում անցկացված հարցումներով, որոնք անց են կացվել Ֆրանսիայում նախորդ տարեվերջին, պարզ դարձավ, որ մարդկանց շրջանում առաջին հորիզոնականում Պուտինն է: Դա շատ հետաքրքիր է: Մարդիկ, ովքեր թեկուզ և միշտ չէ, որ համամիտ են բոլոր գործողություններին, կարծիքներ էին հայտնում, որ Ֆրանսիային ուժեղ առաջնորդ է պետք, ուժ է պետք: Մարդիկ իրական իշխանություն են փնտրում, հայրենասիրություն, որն այժմ Եվրոպայում չկա: Ահա թե ինչու, եթե մենք զարգացնենք մեր դեմոկրատիան և կառավարենք Եվրոպան, ապա լուրջ բարեփոխումներ կիրականացնենք»,- նշել է Սարկոզիի խորհրդականը:
Հետևեք մեզ Viber-ում
