Եվրո-2016. Ալբանիա - Շվեյցարիա՝ 0:1 (առաջին խաղակես)

Ֆրանսիայում մեկնարկած ֆուտբոլի Եվրոպայի առաջնության առաջին տուրում A խմբում ընդգրկված Շվեյցարիայի հավաքականը Լանս քաղաքում մրցում է ալբանացիների հետ եւ առաջին խաղակեսից հետո հաղթում է նվազագույն հաշվով: Միակ գոլը 5-րդ րոպեին խփել է գերմանական «Հոֆենհայմի» պաշտպան Ֆաբիան Շերը: 36-րդ րոպեին կարմիր քարտ է ստացել Ալբանիայի հավաքականի ավագ Լորիկ Ցանան: Ընդմիջում է: Եվրոպայի առաջնությունների պատմության մեջ առաջին անգամ հարազատ եղբայրները խաղում են իրար դեմ: Լոնդոնի «Արսենալի» նորեկ Գրանիտ Ջական Շվեյցարիայի հավաքականի մեկնարկային կազմում է, իսկ շվեյցարական «Բազելի» խաղացող Տաուլյանտ Ջական պաշտպանում է Ալբանիայի գույները: Եվրո-2016, խմբային փուլ A խումբ Ալբանիա - Շվեյցարիա՝ 0:1 (առաջին խաղակես) Ֆաբիան Շեր, 5 Հեռացում՝ Լորի Ցանա, 36 (Ալբանիա) Ալբանիա. Էտրիտ Բերիշա, Էլսեիդ Հյուսայ, Լորիկ Ցանա, Մեգրիմ Մավրայ, Էրմիր Լենյանի, Անսի Ագոլի, Բուրիմ Կուկելի, Տաուլյանտ Ջակա, Օդիսե Ռոշի, Ամիր Աբրաշի, Արմանդո Սադիկու: Շվեյցարիա. Յան Ցոմեր, Ստեֆան Լիխշտայներ, Ֆաբիան Շեր, Յոհան Ջուրու, Կրիստիան Ռոդրիգես, Բլերիմ Ձեմաիլի, Վալոն Բեհրամի, Գրանիտ Ջակա, Ջերդան Շաքիրի, Ահմեդ Մեհմեդի, Հարիս Սեֆերովիչ: NEWS.am Sport