Օդուժը հարվածներ է հասցրել Սիրիայում ԻՊ-ի դեմ պայքարող խմբավորմանը.Պենտագոն

The Wall Street Journal-ը` Պենտագոնին հղումով  գրում է,որ  Պենտագոնը հետաքննում է ԱՄՆ Ռազմաօդային ուժերի` Սիրիայում «Իսլամական պետություն» խմբավորման դեմ պայքարող դաշնակից խմբավորմանը հասցված ավիահարվածների հետ կապված միջադեպը:Մայիսի 27-ին և 28-ին ԱՄՆ օդուժը հարվածներ է հասցրել սիրիական Ալ Մաարա բնակավայրի մոտակայքում: ԱՄՆ ԶՈւ կենտրոնական հրամանատարության ներկայացուցիչը հայտնել է, որ հարվածներից մեկը դիպել է ԻՊ-ի դեմ պայքարող Mutasim Brigade բրիգադին: «Ի սկզբանե հաղորդվում էր, որ հնարավոր է՝ զոհվել է ԻՊ-ի դեմ պայքարող 4 մարտիկ»,-հայտնել է ԱՄՆ ԶՈւ կենտրոնական հրամանատարության ներկայացուցիչ Պատրիկ Ռայդերը: Հետաքննություն է սկսվել: