Գերուն տարել են հոգեբուժարան

Առավոտ թերթը գրում է. Հայաստանը երեկ Ադրբեջանին է հանձնել Գաթիբա Իբրահիմ-գըզը Ալեքպերովային: Այս մասին երեկ հայտարարել է Ադրբեջանի գերինե­րի, պատանդների եւ անհետ կորածների հարցերով պետական հանձ­նաժողովը: 1977 թվականին ծնված Ալեքպերովան հունիսի 7-ին հա­տել էր հայ-ադրբեջանական սահմանը եւ Տավուշի մարզի Մեհրաբի հատվածում անցել Հայաստանի տարածք: Սկզբում Բաքվում հերքում էին Ալեքպերովայի Ադրբեջանի քաղա­քացի լինելու փաստը, իսկ ավելի ուշ հայտարարեցին, թե նա հոգեկան հիվանդ է եւ հաշվառված է հոգեբուժարանում: Ինչպես երեկ տեղեկացրել է ադրբեջանական Minval.az լրատվա­կան կայքը, Ադրբեջան վերադարձվելուց հետո կնոջը տեղափոխել են հոգեբուժարան: Ալեքպերովայի հանձնումը տեղի է ունեցել Կար­միր խաչի միջազգային կոմիտեի հովանու ներքո: ԿԽՄԿ-ի հաղորդագրության համաձայն, գործողությունը տեղի է ունեցել Իջեւան եւ Ադրբեջանի Ղազախ քաղաքների միջեւ անցնող ճանապարհին’ մի­ջազգային սահմանի վրա: Օրվա մյուս հրապարակումներին ծանոթացեք թերթի այս համարում: