«Նոյան տապանը» վթարվել է

«Նոյան տապանը»՝ 70 մետր երկարությամբ լողացող թանգարանը, Օսլոյի նավահանգստում քարշարկման ժամանակ բախվել է Նորվեգիայի առափնյա պաշտպանության խարիսխ նետած նավին, տեղեկացնում է The Guardian-ը: Հունիսի 10-ին տեղի ունեցած միջադեպի արդյունքում ոչ ոք չի տուժել:  Norwegian news agency-ի տարածած լուսանկարներից երևում է, որ «Նոյան տապանը» ջրագծից վերև լուրջ վնասվածքներ է ստացել: Աննշան վնասվածքներ է ստացել նաև նրա ճանապարհին հայտնված նավը: «Նոյան տապանը» կառուցվել է Հոլանդիայում: Այն Օսլոյում էր գտնվում մայիսի 10-ից: