ֆրանսիական ուժերը Սիրիայում ռազմաբազա են կառուցում

Սիրիայի հյուսիսում տեղակայված ֆրանսիական ուժերը Հալեպի շրջանում Կոբանի քաղաքի մոտ սկսել են կառուցել ռազմաբազա, Sputnik գործակալությանը հայտարարել է քրդական աղբյուրը: «Ֆրանսիան սկսել է բազայի կառուցում` ամերիկյանից ոչ հեռու: Ֆրանսիական բազան կկառուցվի բարձրադիր Նիշտա Նուրում` երկրի հարավ-արևելքում, Կոբանի քաղաքի մոտ»,- հայտարարել է աղբյուրը՝ ավելացնելով, որ բազան կծառայի Ֆրանսիայի ռազմական փորձագետների և խորհրդատուների տեղաբաշխման համար: Աղբյուրը ավելացրել է, որ Մանբիջ քաղաքի շրջանում են Ֆրանսիայի և Բրիտանիայի փորձագետները, այնտեղ նաև գտնվում են ամերիկյան մասնագետները, որոնք հրահանգավորում են «Սիրիայի դեմոկրատական ուժերին» ԴԱԻՇ-ի ահաբեկիչների դեմ պայքարի համար: Ինչպես հինգշաբթի հայտնել է France Presse գործակալությունը, Ֆրանսիայի զինվորականները հրահանգավորում են անցկացնում «Սիրիայի դեմոկրատական ուժեր» զինված ընդդիմության քուրդ և արաբ աշխարհազորայիններին: