ՌԴ նավթի արտահանման հեռանկարները
ՌԴ նավթի արտահանման հեռանկարները Ռուսաստանի համար առանցքային շուկաներում անբարենպաստ են մրցակցության ուժեղացման հետևանքով՝ կապված պատժամիջոցների հանումից հետո Իրանի մատակարարումների աճի հետ: Բացի այդ, իրադրությունը կարող է վատանալ նաև Լիբիայից նավթի արտահանումների նորացման դեպքում, ասված է դրամավարկային քաղաքականության մասին Ռուսաստանի Բանկի զեկույցում, հայտնում է RIA Novosti-ն: Միաժամանակ ԿԲ-ն ներկայացրել է Միջազգային էներգետիկ գործակալության գնահատումները, համաձայն որի՝ Իրանից Եվրոպա արտահանված նավթի ծավալը պատժամիջոցները հանելուց հետո 2016 թվականի ապրիլին կազմել է 500 հազար բարել օրական: «Եվրոստատի տվյալներով՝ մինչև արգելքը ԵՄ-ն 2011 թվականին Իրանից ներկրել է մոտ 600 հազար բարել նավթ օրական: Մրցակցությունը ավելի ուժեղ կարող է սրվել Լիբիայից մատակարարումների վերականգնման դեպքում»,- ասել է զեկուցողը:
Հետևեք մեզ Viber-ում
