Դիդյե Դեշամ. Եվրո-2016-ի ֆավորիտներն են Գերմանիան ու Իսպանիան

Մեկնարկող ֆուտբոլի Եվրոպայի առաջնության գլխավոր ֆավորիտները Գերմանիայի եւ Իսպանիայի հավաքականներն են, հայտարարել է Ֆրանսիայի հավաքականի գլխավոր մարզիչ Դիդյե Դեշամը: «Գերմանիան աշխարհի չեմպիոնն է, Իսպանիան նախորդ տարիներին նվաճել է բոլոր տիտղոսները: Այս երկու թիմերն են ֆավորիտները: Բայց հիմա մեծ ու փոքր թիմերի միջեւ տարբերությունը կրճատվել է: Անհրաժեշտ է զգուշանալ նաեւ ֆավորիտ չհամարվող թիմերից: Ռումինիայի հավաքականը չի կարելի համարել պաշտպանական, թեեւ ունեն գերազանց պաշտպանություն եւ դարպասապահ: Բայց նրանք արագ են դուրս գալիս պաշտպանությունից, ունենք կարգապահ թիմ, որը արդյունավետ է եւ չի նստի սեփական տուգանային հրապարակում: Մեր թիմում հավաքվել է լուրջ հարձակողական ներուժ: Պետք է գտնել հավասարակշռություն եւ հրաշալի խաղալ նաեւ պաշտպանությունում»,- Դեշամի խոսքը մեջբերում է francefootball-ը: Հունիսի 10-ին կայանալիք բացման խաղում Ֆրանսիայի թիմը կմրցի ռումինացիների հետ: Հանդիպումը կմեկնարկի Երեւանի ժամանակով 23:00-ին: