Ադրբեջանի պատվիրակությանն իր տեղը ցույց տվեցինք. Միքայել Մելքումյան

«ԱԺ» «Հանրապետական» խմբակցության անդամ Կորյուն Նահապետյանը, այսօր անդրադառնալով մայիսի 28-30-ը Տիրանայում կայացած ՆԱՏՕ ԽՎ-ի գարնանային նստաշրջանի աշխատանքների արդյունքներին, ասաց, որ գարնանային նստաշրջանի քննարկումները շատ բուռն են անցել, և ըստ ՆԱՏՕ-ի ընկալման՝ այսօր ծառացած մարտահրավերները երկու ուղղություն ունեն՝ հարավային և արևելյան: «Ներկայացվեցին բազմաթիվ մտահոգություններ և նշանավորվեց, որ առաջիկայում՝ հուլիսի ութից ինը Վարշավայում տեղի է ունենալու ՆԱՏՕ-ի անդամ պետությունների և կառավարությունների գագաթաժողովը: Հայկական պատվիրակությունն ակտիվ մասնակցություն է ունեցել բոլոր քննարկումներին, հինգ հանձնաժողովներում էլ մասնակցել ենք բոլոր նախագծերի քննարկմանը»,-տեղեկացրեց նա: Այնուհետև նշեց, որ հայկական պատվիրակությունը համալրված էր նոր անդամով՝ ԲՀԿ խմբակցության պատգամավոր Միքայել Մելքումյանով: Վերջիս էլ՝ ասաց, որ առաջին անգամ էր մասնակցում քննարկումներին, որոնք անց էին կացվում բարձր մակադրակով և նշեց, որ Ադրբեջանի պատվիրակության կողմից բարձրացրած հարցադրումներին կարողացել են համապատասխան պատասխան տալ: «Մենք ցույց տվեցինք, որ Ալիևի կոռումպացված իշխանությունը հասարակության ուշադրությունը ներքին խնդիրներից շեղելու համար ապրիլին սանձազերծել է պատերազմական գործողություններ, որոնք լիակատար ձախողման է ենթարկվել: Առաջին մոտեցմամբ կարողացանք Ադրբեջանի պատվիրակությանը իրենց տեղը ցույց տալ»,-ասաց նա: