Նորբերտ Լամմերտը խստորեն քննադատել է Թուրքիայի նախագահին

«РИА Новости» լրատվական գործակալությունը  փոխանցում է ,որ  Գերմանիայի Բունդեսթագի նախագահ Նորբերտ Լամմերտը հունիսի 9-ի նստաշրջանի բացմանը խիստ քննադատություն է հնչեցրել Թուրքիայի նախագահ Ռեջեփ Թայիփ Էրդողանի հասցեին: «Ատելությամբ լի սպառնալիքներ են եղել, ցավոք սրտի, այդ թվում թուրք բարձրաստիճան պաշտոնյաների կողմից: Այն, որ 21-րդ դարում ժողովրդավար ճանապարհով ընտրված նախագահը կարող է ժողովրդավար ճանապարհով ընտրված գերմանական Բունդեսթագի ծագումով թուրք պատգամավորրի արյունը անվանել «կեղտոտված», ես կարծում, եմ անհնար է:Գերմանացի խորհրդարանականները պատրաստ են ընդունել քննադատություններ, բայց «նա, ով կփորձի սպառնալիքի միջոցով ճնշումներ գործադրել առանձին պատգամավորների վրա, պետք է իմանա, որ  հարձակվում է ամբողջ խորհրդարանի վրա»», - ասել է Լամմերտը, ինչը դահլիճում բուռն արձագանք է առաջացրել : Գերմանիայի Բունդեսթագի նախագահը ավելացրել է, որ Բունդեսթագը «համապատասխան ձևով է արձագանքելու բոլոր սպառնալիքներին՝ օգտագործելով գործիքներ, որոնք բխում են օրենքից»: Ավելի վաղ Էրդողանը հայտարարել է, որ թուրք ծագմամբ գերմանացի պագտամավորները, որոնք հունիսի 2-ին կողմ են քվեարկել Հայոց ցեղասպանությունը ճանաչող բանաձեւին պետք է արյան անալիզ հանձնեն, քանի որ իրենց «ծագումը կասկածի տեղիք է տալիս»: