«Սա կազո՞ւս է, թե՞ կոռուպցիա. Արամ Մանուկյան

Այսօր ԱԺ-կառավարություն հարցուպատասխանի ժամանակ ՀԱԿ խմբակցության քարտուղար Արամ Մանուկյանը հայտարարեց, որ անցած տարվա խաղողի բերքի դիմաց մեծաթիվ մարդիկ չեն ստացել իրենց գումարները, վարկերը չեն կարողացել մուծել, կառավարությունն օգնելու իր խոստումը չի կատարել, և շատերը պարզապես ոչնչացրել են բերքը:«Լրանում է մեկ տարին, ինչ խաղողի հանձնած բերքի դիմաց մեծաթիվ մարդիկ չեն ստացել գումարները։ Խոստումներ է տվել կառավարությունը, որ կօգնի, չի օգնել»,- նշեց ՀԱԿ պատգամավորը։ Պատգամավորը կոռուպցիոն ռիսկեր մատնանշեց վիճակագրությունում` լոլիկի ցանքատարածությունները 3 տարում չեն աճել, բերքատվությունը չի աճել, արտադրությունը չի աճել, ներմուծումը նվազել է, իսկ արտահանումը 6 անգամ ավելացել է: «Լոլիկի և պանրի հետ կապված պաշտոնական վիճակագրության մեջ նշված է. լոլիկի  ցանքատարածությունները 3 տարվա ընթացքում չեն աճել, արտադրությունը չի աճել, ներմուծումը նվազել է, իսկ արտահանումը 6 անգամ ավելացել է։ Սա կամ կազուս է, կամ կոռուպցիա է, դուք որոշեք։ Պանրի դեպքում նույնը. արտադրությունը չի աճել, ներմուծումը նվազել է, արտահանումը 5 անգամ ավելացել է»,փաստեց նա: «Խաղողի ծավալները մեծ էին։ Այսօր մենք 32 մլրդ դրամի մթերված խաղողի դիմաց վճարում ենք և մնացել է ընդամենը 1 մլրդ 300 մլն դրամ։ Գումարների վճարման ուշացումն ունի իր հիմնավոր պատճառները. կոնյակի և գինու արտահանման ծավալները կտրուկ պակասեցին ու այդ պատճառով մթերող կազմակերպությունները չկարողացան ժամանակին վճարել»,-նշեց գյուղնախարարը։