Թուրքիան ռմբակոծել է Հյուսիսային Իրաքը

Anadolu լրատվական գործակալության փոխանցմամբ՝ Թուրքիայի զինված ուժերի ռազմական ինքնաթիռները երեկ հարվածներ են հասցրել Ղանդիլի շրջանում (Հյուսիսային Իրաք) գտնվող «Քրդստանի աշխատավորական» կուսակցության (PKK) դիրքերին: Թուրքիայի ռազմական ինքնաթիռները ավիահարվածներ են հասցրել ժամը 23.59-00.20-ն ընկած ժամանակահատվածում, ինչի արդյունքում ոչնչացվել են զինյալների ապաստարաններն ու թաքստոցները: Բացի այդ, թուրքական օդուժը ժամը 11.41-12.27-ն ընկած ժամանակահատվածում PKK-ի դիրքերին հարվածել է Դիարբեքիր նահանգի Լիջե շրջանում՝ ոչնչացնելով 4 թիրախ: