Ռուսաստանը չի հրաժարվել «Թուրքական հոսքից». Պուտին
Ռուսաստանը վերջնականապես չի հրաժարվել ոչ «Թուրքական հոսք», ոչ էլ «Հարավային հոսք» նախագծերից, հարկավոր է միայն Եվրահանձնաժողովի հստակ դիրքորոշումը, հայտարարել է Ռուսաստանի նախագահ Վլադիմիր Պուտինը Իսրայելի վարչապետ Բենիամին Նեթանյահուի հետ բանակցությունների արդյունքում մամլո ասուլիսի ժամանակ, հայտնում է RIA Novosti-ն: «Ինչ վերաբերում է արտահանման ուղիներին Սև ծովի հատակով: Կան Թուրքիայի հետ հայտնի դժվարություններ քաղաքական բնույթի, դա հայտնի է: Սակայն մենք վերջնականապես չենք հրաժարվում նախագծերից ոչ մեկից` ոչ «Հարավային հոսքից», ոչ էլ «Թուրքական հոսքից»: Մեզ հարկավոր է միայն Եվրահանձնաժողովի հստակ դիրքորոշումը` պարզ, հասկանալի, միանշանակ: Դա դեռևս չկա այդ նախագծերից ոչ մեկի նկատմամբ»,- ասել է Պուտինը:
