Հաջորդ պատերազմը կլինի օգոստոսին. ադրբեջանական կողմը կայրի Ղարաբաղի բերքի դաշտերը.քաղաքագետ

Ռուսաստանաբնակ հայ քաղաքագետ Կարինե Գևորգյանը Հայելի ակումբում հրավիրված ասուլիսում նշեց. «Ես հունվարին հստակ ասում էի, որ ապրիլին կլինի պատերազմ: Ես դա հաշվել էի՝ ելնելով բազմաթիվ գործոններից: Այսօրվա օրով Ռուսաստանում ուղղակի շփոթություն է՝ կապված այն բանի հետ, թե ինչ եղավ և հայ հասարակության վերաբերմունքի հետ կապված, այն հակառուսական տրամադրությունների հետ, որ այստեղ առաջացան: Գիտեք, որոշ չինովնիկների հետ խոսակցությունների ժամանակ նրանք պարզապես ասում են, թե չգիտես՝ ինչ քայլեր ձեռնարկել, որպեսզի ավելի չվատթարանա իրավիճակը: Դա նշանակում է՝ նրանք հասկացան, որ Հայաստանը երկրորդ հարվածն է Ռուսաստանի դիրքորոշմանը՝ Ուկրաինայից հետո: Հիմա Ռուսաստանում լուրջ խոսակցություն է գնում այն մասին, որ գրեթե բոլոր պետական մարմինները չեն աշխատել Հայաստանում, արդյունքներ չկան: Եվ եղավ մոտավորապես այն, ինչ Ուկրաինայի դեպքում. նրանք աշխատում էին էլիտայի հետ, իսկ լայն մասշտաբի աշխատանք հետսովետական պետությունների հետ չի եղել»: «Կարծում եմ՝ հաջորդ պատերազմը կլինի օգոստոսին. այդ ժամանակ ադրբեջանական կողմը կայրի Ղարաբաղի  բերքի դաշտերը: Եվ հայկական կողմն էլ պետք է պատասխանի:Միակ լեգիտիմ անձը, ով կարող է ներկայացնել Ղարաբաղի շահերը, Պարգև սրբազանն է: Դա այն պատճառով, որ հայկական եկեղեցին հանդիսանում է միջազգային կազմակերպություն, որը գրանցված է»,-նշեց նա: