Նոր մանրամասներ՝ Թուրքիայում տեղի ունեցած պայթյունից. կան զոհեր
Ստամբուլի կենտրոնում առավոտյան տեղի ունեցած պայթյունի հետեւանքով, նահանգապետի հայտարարության համաձայն, կա առնվազն 11 զոհ, որոնցից 7-ը ոստիկաններ են։ 36 վիրավոր կա, 3-ի վիճակը ծայրահեղ ծանր է։ Թիրախում ոստիկանության ավտոբուսն է եղել: Դեպքի վայր են ժամանել շտապօգնության մեծ թվով մեքենաներ: Կոտրվել են հարակից շենքերի ապակիները: Պայթյունի վայրում ձեռնարկվել են անվտանգության խստացված միջոցներ: Պայթյունից հետո նաեւ կրակոցի ձայներ են լսվել: Ավելի վաղ հայտնել էինք ,որ Թուրքիայի Ստամբուլ քաղաքի կենտրոնում՝ ավտոբուսի «Բայազեթ»(Բայազիդ) կանգառի մոտ, ուր սովորաբար շատ զբոսաշրջիկներ են լինում, պայթյուն է եղել։Կան տուժածներ, սակայն հստակ թիվ դեռևս չի նշվում։
Դեպքի վայր են ժամանել մեծ թվով շտապօգնության մեքենաներ:
Որոշ տվյալներով՝ հարձակումն իրականացվել է ոստիկանների ավտոբուսի դեմ:
Հետևեք մեզ Viber-ում
