ՌԴ գլխավոր սանիտարական բժիշկը կոչ է արել խուճապի չմատնվել
Interfax-ը հայտնում է,որ ՌԴ գլխավոր սանիտարական բժիշկ Աննա Պոպովան կոչ է արել խուճապի չմատնվել Ռուսաստանում գրիպի պատճառով մահվան դեպքերի մասին տեղեկություններից, «Խուճապի համար առիթ, անկասկած, չկա: Սակայն ես ուզում եմ ասել, որ յուրաքանչյուր մարդու կորուստ անթույլատրելի է այսօրվա աշխարհում: Հարկավոր է այնպես անել, որ ոչ ոք չմահանա:Անթույլատրելի են «տեղեկատվական սադրանքները» գրիպից մահացության դեպքերի վերաբերյալ »,- ասել է նա մամլո ասուլիսի ժամանակ: Ռուսաստանի գլխավոր սանիտարական բժիշկը նշել է, որ Ռուսաստանում կիրառվող պատվաստանյութերը, հակավիրուսային դեղամիջոցները, որ վաճառվում են դեղատներում, ակտուալ են գրիպի շտամների դեմ, այդ թվում՝ AH1N1-ի դեմ:
