Թուրք- գերմանական համագործակցությունը վտանգված է

Թուրքական Sabah թերթի փոխանցմամբ` Թուրքիայի պաշտպանական արդյունաբերության ղեկավար Իսմաիլ Դեմիրը թերթի հետ զրույցում հայտարարել է, որ Ստամբուլի ու Գյոլջուքի նավաշինարանները զբաղված են ազգային սուզանավի վրա աշխատանքներ իրականացնելով, որին մասնակցում է նաև գերմանական կողմը: Նա ընդգծել է, որ այդ նախագծի շրջանակներում նախատեսվում է արտադրել 6 սուզանավ, որոնցից առաջինը պետք է ռազմածովային ուժերին տրվի 2020 թվականին: «Մենք կառուցում ենք աշխարհի ամենաժամանակից սուզանավերը: Շարժիչը, լիցքավորման համակարգը, գեներատորը տեղական արտադրության չեն, սակայն աշխատում ենք այդ ուղղությամբ: Սուզանավի տիպի անունը դեռ հայտնի չէ, սակայն դրա երկարությունը կազմելու է 66 մետր»: Խոսելով Բունդեսթագի կողմից Հայոց ցեղասպանությունը ճանաչող բանաձևի ընդունումից հետո Գերմանիայի հետ հարաբերությունների մասին` Դեմիրը հայտարարել է, թե իրենք կարող են գործը գլուխ բերել, սուզանավերը կառուցել առանց գերմանացիների մասնակցության: