Լարված դրություն՝ Ստամբուլում

Ստամբուլում ոստիկանները բախվել են ցուցարարների հետ: Այս մասին հայտնում է Panorama.am-ը հղում անելով  «Եվրանյուզ»-ին: Նշենք, որ Ստամբուլում ցուցարարները հոծ խմբերով շարժվել են դեպի Գեզի այգի՝ նշելու զանգվածային բողոքի երեք տարին: Թուրքական իշխանությունները ձգտել են ամեն կերպ թույլ չտալ Գեզի այգում իրականացնել բողոքի ակցի՝ այգին ամբողջությամբ շրջափակելով մետաղյա արգելքներով և հարյուրավոր ոստիկաններով: Բացի այդ նախորդ օրը նաև ձերբակալվել են մրի շարք ակտիվիստներ: «Ես որպես քաաղաքացի այստեղից ողջունում եմ Էրդողանին: Բավականին անհամապատասխան կերպով նա քննադատում է Ֆրանսիայի նախագահին ցուցարարների հանդեպ իրականացրած քայլերի համար, սակայն այսօր Էրդողանը մեզ նույնն է մատուցում: Նա իրեն հակասում է: Մենք չենք հասկանում, ինչու է նա վախենում թույլ տալ մեզ մուտք գործել այգի»,- հայտարարել է ակցիայի մասնակիցներից մեկը: Նշենք, որ երեք տարի առաջ Գեզի այգում տեղի ունեցած հակակառավարական բողոքի ակցիայի անցկացման ժամանակ ոստիկանական ուժերի հետ բախման արդյունքում տարբեր աստիճանի վիրավորում էին ստացել 900 ցուցարարներ, որոնցից 6-ը ավելի ուշ մահացել էին: