Աղասյանը 6-րդն է, Միրզոյանը` 9-րդ ծանրամարտի միջազգային մրցաշարում

Իրանի մայրաքաղաք Թեհրանում մեկնարկեց Fajr Cup ծանրամարտի միջազգային մրցաշարը: Այս մրցաշարին մասնակցում էին ծանրամարտի Հայաստանի հավաքականի երկու անդամները` Աղասի Աղասյանը և Առաքել Միրզոյանը: Աղասյանը պոկում վարժությունում վարձրացրեց 156 կգ, իսկ հրման ժամանակ գլխավերևում պահեց 196 կգ: Երկամարտի 352 կգ արդյունքով Աղասյանը զբաղեցրեց 6-րդ տեղը: Առաքել Միրզոյանը հանդես եկավ A ենթախմբում: Ծանրորդը պոկեց 154 կգ և հրեց 188 կգ: Երկամարտի 342 կգ արդյունքով 9-րդ տեղում է: 85 կգ քաշային կարգում Fajr Cup մրցաշարի հաղթող դարձավ Իրանի ներկայացուցիչ Ռոստամ Կիանուշը, ով երկամարտում գրանցեց 395 կգ: ՀԱՕԿ մամլո ծառայություն Լուսանկարը՝ ՀԱՕԿ պաշտոնական կայքի