Արաբական երկրները բախվել են «ճարպակալման համաճարակին»

Եվրոպայից եւ ԱՄՆ-ից հետո արաբական երկրները բախվել են այսպես կոչված «ճարպակալման համաճարակին»։ ԱՀԿ տվյալներով՝ Կատարն ու Քուվեյթը առաջատար են բնակչության ճարպակալման չափանիշներով։ Երրորդ տեղում է Սաուդյան Արաբիան, որն այս տարի սկսել է վճռորոշ քայլեր ձեռնարկել իր քաղաքացիների առողջացման համար։ Սաուդյան Արաբիայի էնդոկրինոլոգների ասոցիացիան պարզել է, որ երկրում մահացության 71 տոկոսը տեղի է ունենում շաքարախտի եւ սրտանոթային հիվանդությունների, պատճառով, որոնք հետեւանք են սխալ սննդակարգի եւ ավելորդ քաշի, փոխանցում է Kedem-ը։ Այդ ցուցանիշը կրճատելու համար, Ասոցիացիան մի շարք սահմանափակումներ է մշակել հանրային սննդի հաստատությունների համար։  Այսպես՝ սննդատեսակներում առաջարկում են կենդանական ճարպերի քանակը իջեցնել մինչեւ 20 տոկոս, պանրի յուղայնությունը՝ 10-20 տոկոս, բուրգեր պատրաստելիս չօգտագործել հավի կաշին, տապակած կարտոֆիլը փոխարինել ջեռոցում եփած կարտոֆիլով, մսեղենի հետ մատուցել աղցաններ, իսկ գազավորված քաղցր խմիչքների փոխարեն՝ բնական հյութեր։ Բժիշկների կարծիքով, երբ որ սահմանափակումներն ուժի մեջ մտնեն, ճարպակալման խնդիրը կկորցնի իր արդիականությունը։