Հայ սամբիստները միջազգային մրցաշարում ոսկի և արծաթ են շահել

ՌԴ Վլադիվոստոկ քաղաքում մայիսի 28 և 29-ին անցկացվեց «Յուրի Պոտապովի հուշամրցաշարը», որը Սամբոյի աշխարհի գավաթի փուլերից է: 16-րդ միջազգային մրցաշարին մասնակցել է ավելի քան 150 մարզիկ՝ Ռուսաստանից, Գերմանիայից, Իսրայելից, Վրաստանից, Բուլղարիայից, Մոլդովայից, Բելոռուսից, Ուկրաինայից, Ղազախստանից, Տաջիկստանից, Ուզբեկստանից, Ղրղզստանից, Մոնղոլիայից, Հարավային Կորեայից, Հայաստանից: Այս մասին տեղեկացնում են Հայաստանի սամբոյի ֆեդերացիայից: Մեր մարզիկներից երկուսը հասան հաջողության. ստեփանակերտցի Դավիթ Գրիգորյանը 82 կգ քաշային կարգում զբաղեցրեց 3-րդ հորիզոնականը, իսկ վանաձորցի Տիգրան Կիրակոսյանը 52 կգ քաշայինների մրցապայքարում լավագույնն էր, ում պատվին էլ հնչեց ՀՀ օրհներգը, ծածանվեց եռագույնը: