Հայաստան-Էլ Սալվադոր հանդիպումը կկայանա. ՀՖՖ

ՀՖՖ պաշտոնական կայքը հերքել է այն տեղեկությունը, թե Հայաստան-Էլ Սալվադոր հանդիպումը չի կայանալու: Հիշեցնենք, որ տեղեկություն էր տարածվել, թե կազմակերպիչները դժգոհ էին Հայաստան-Գվատեմալա հանդիպման տոմսերի վաճառքից և մտավախություն ունեին, որ հաջորդ հանդիպմանը հանդիսականների թիվը բավարար չի լինի մարզադաշտում, որի արդյունքում չեղարկել են Հայաստանի ընտրանու առաջիկա խաղը «Ստաբհաբ սենթեր» մարզադաշտում: Հայաստանի ֆուտբոլի ֆեդերացիան հաղորդում է, որ հանդիպման չեղարկման մասին հայտարարությունն արվել է թյուրիմացաբար՝ ելնելով տեխնիկական խնդիրներից, որոնք արդեն լուծվել են, և Հայաստան-Էլ Սալվադոր հանդիպումը կայանալու է։ Հայաստանի ֆուտբոլի ֆեդերացիան կոչ է արել նաև ԱՄՆ-ում և հատկապես Լոս-Անջելեսում բնակվող մեր բոլոր հայրենակիցներին անպայման ներկա գտնվել հանդիպմանը և սատարել մեր հավաքականին: