Լևանդովսկին մնում է Բավարիայում

Մյունխենի «Բավարիայի» տնօրենների խորհրդի ղեկավար Կարլ-Հայնց Ռումենիգեն հայտարարել է, որ լեհ հարձակվող Ռոբերտ Լեւանդովսկին չի հեռանա թիմից: Ավելի վաղ Լեհաստանի հավաքականի ֆուտբոլիստի գործակալը հայտնել էր Մադրիդի «Ռեալից» ստացած առաջարկի մասին: «Լեւանդովսկին «Բավարիայում» է հանդես գալու հաջորդ մրցաշրջանում, թող ոչ ոք դրանում չկասկածի: Ռոբերտին չենք վաճառի այլ ակումբ, եւ կարեւոր չէ, թե որքան գումար կառաջարկեն նրա համար»,- Ռումենիգեի խոսքը մեջբերում է Goal.com-ը: Գերմանիայի ավարտված առաջնությունում անցկացրած 32 խաղում Լեւանդովսկին խփել է 30 գոլ ու կատարել 2 արդյունավետ փոխանցում: