Երևանում 29-ամյա վարորդը Mercedes-ով վրաերթի է ենթարկել հոգևոր հովվին

SHAMSHYAN.com-ի տեղեկություններով՝ Հայաստանի քննչական կոմիտեի Երևանի քննչական վարչության հատկապես կարևոր գործերով ավագ քննիչ Գոռ Թադևոսյանի կողմից նյութեր են նախապատրաստվում օրեր առաջ Երևանում տեղի ունեցած վրաերթի փաստով: Ինչպես հայտնում է ֆոտոլրագրող Գագիկ Շամշյանը, Երևան քաղաքի Դավիթաշեն 1-ին թաղամասի բնակիչ, 29-ամյա Ռուբեն Եսայանը իր վարած Mercedes մակնիշի 91 RT 001 համարանիշի ավտոմեքենայով Իսակովի պողոտայի 54/8 հասցեի դիմաց վրաերթի է ենթարկել հետիոտն, Երևանի բնակիչ, 62-ամյա Համլետ Կյուրեղյանին: Վարորդը փախուստի չի դիմել, վրաերթի ենթարկվածին տեղափոխել է «Աստղիկ» բժշկական կենտրոն: Գ. Շամշյանի տեղեկություններով՝ վրաերթի ենթարկված Հ. Կյուրեղյանը Հայ ավետարանչական ընկերությունում աշխատում է որպես հոգևոր հովիվ: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարը՝ Գագիկ Շամշյանի