Խոսել են 200 մլն դոլարի չափով Հայաստանին տրվող զենքի մասին
ՀՀ վարչապետ Հովիկ Աբրահամյանը Ռուսաստանի վարչապետ Դմիտրի Մեդվեդեւի հետ հանդիպմանն անդրադարձել է Ռուսաստանի ու Հայաստանի միջեւ 200 մլն դոլարի չափով վարկային համաձայնագրի համաձայն Հայաստանին մատակարարվող ռուսական զենքին: Լրագրողների հետ զրույցում այսօր` մայիսի 21-ին, Հովիկ Աբրահամյանը նշեց, որ ամեն ինչ ընթանում է ըստ պայմանավորվածության եւ որեւէ խնդիր չկա: «Ռուսաստանի վարչապետ Մեդվեդեւի հետ խոսել ենք նաեւ զենքի մասին, մենք ամեն առիթ օգտագործում ենք, անդրադառնում ենք այդ հարցին, որպեսզի ծրագիրը գնա առաջ: Խնդիր չունենք, ըստ պլանի` վարկի տրամադրման եւ գործընթացի սկսման ուղղությամբ ամեն ինչ արվում է»,-ասաց նա: Նշենք, որ մայիսի 19-ի ուշ երեկոյան Ռուսաստանի վարչապետ Դմիտրի Մեդվեդեւը ժամանել է Երեւան՝ մասնակցելու ԵՏՄ երկրների կառավարության ղեկավարների հերթական նիստին: Հիշեցնենք, որ Ռուսաստանն ու Հայաստանը 200 մլն դոլարի չափով վարկային համաձայնագիր են կնքել, որն օգտագործվելու է ռուսական զենք գնելու համար:
Հետևեք մեզ Viber-ում
