Թուրքիայում ոստիկանական մեքենա է պայթեցվել. կան զոհեր

Թուրքիայի Շըրնաք նահանգում գիշերը ճանապարհին տեղադրված պայթուցիկ սարքի միջոցով ոստիկանական զրահապատ մեքենա է պայթեցվել, տեղեկացնում է Hurriyet թերթի կայքը: Պայթյունի հետևանքով վիրավորվել է 7 ոստիկան: Ուղղաթիռով հիվանդանոց տեղափոխված վիրավորներից 3-ի կյանքը փրկել չի հաջողվել: 4 ոստիկաններ դեռ հիվանդանոցում են: Թուրքական կողմի պնդմամբ՝ հարձակման պատասխանատուն Քուրդիստանի աշխատավորական կուսակցությունն (PKK) է: Հարձակումից հետո ողջ գիշեր թուրք-քրդական բախումը շարունակվել է: Հարձակում է իրականացվել նաև շրջանի ժանդարմերիայի հրամանատարության վրա: Քրդերն ինքնաձիգներով ու հրթիռանետերով են գործել։