Ի՞նչ կպատմի Տարոնիկի գյուղապետը. արյունալի միջադեպի ծանրությունը

Սուրբ ծննդյան օրը` հունվարի 6-ին կրակոցներ հնչեցին Արմավիրի մարզի «Մուսալեռ» ռեստորանային համալիրում: Կյանքից հեռացավ մեկ երիտասարդ` 22 ամյա Արամ Կարապետյանը: Նուն օրը , նույն ողբերգական միջադեպի արդյունքում ստացած վնասվածքների հետևանքով Տարոնիկի գյուղապետ Արմեն Խլղաթյանն տեղափոխվեց հիվանդանոց: Ոստիկաններն ու քննիչները պարզել են, որ նույն օրը, ժամը 00:10-ի սահմաններում, մի խումբ անձինք եղել են Երևան-Էջմիածին ավտոճանապարհին գտնվող «Մուսալեռ» ռեստորանային համալիրում, որտեղ էլ անհայտ անձը հրազենով կրակոցներ է արձակել Ա. Կարապետյանի և Ա. Խլղաթյանի ուղղությամբ, ինչի հետևանքով Ա. Կարապետյանը մահացել է, իսկ Ա. Խլղաթյանը՝ վիրավորվել: Դեպքի վայրում հայտնաբերվել է 9 մմ տրամաչափի 3 պարկուճ և 1 գնդակ: Արմեն Խլղաթյանի կյանքին այլևս վտանգ չի սպառնում: Նա ապաքինվում է: Այս մասին Հայելի.am-ին հայտնեցին Երեւանի «Հերացի» թիվ 1 հիվանդանոցային համալիրից: Լրատվական բաժնի աշխատակցի փոխանցմամբ` Արմեն Խլղաթյանի առողջական վիճակը բավարար է, հնարավոր է՝ հաջորդ շաբաթ դուրս գրվի հիվանդանոցից: Նշենք, որ սպանության մեջ կասկածվողներից 3-ի ինքնությունը պարզ է, 2-ը որոնվում են: Հանցագործության դրդման պատճառները դեռ պարզվում են: Նախաքննությունը կտա բոլոր հարցերի պատասխանը: Նշենք նաև, որ Վաղարշապատի քննչական բաժնի քննիչների բացատրական աշխատանքի շնորհիվ Վաղարշապատի ոստիկանություն է մեղակայականով ներկայացել «Անելիք» բանկի Վաղարշապատի մասնաճյուղից կառավարիչ Արմեն Պառավյանը: Նրա նկատմամբ մեղադրանք է առաջադրվել հունվարի 6-ին «Մուսալեռ» ռեստորանային համալիրում երիտասարդի սպանության և Տարոնիկի գյուղապետին հրազենային վնասվածք պատճառելու փաստով հարուցված քրեական գործով: Ի՞նչ կպատմի Տարոնիկի գյուղապետը ու երբ ի հայտ կգան ողբերգական դեպքի մանրամասները դեռ հայտնի չէ: Աստղիկ Ավագյան