Ավտովթար Երևանում. Մյասնիկյան պողոտայում՝ «Քրեյզի» ակումբի դիմաց, բախվել են Opel-ն ու Vօlkswagen-ը. կան վիրավորներ

13:37 - 4/մայիսի/2020

Երեկ՝ մայիսի 3-ին, ավտովթար է տեղի ունեցել Երևանում։ Ժամը 23։10-ի սահմաններում Մյասնիկյան պողոտայում՝ «Քրեյզի» գիշերային ակումբի դիմաց, բախվել են Աբովյան քաղաքի բնակիչ՝ 30-ամյա Մուշեղ Հ-ի վարած Opel մակնիշի 86 QQ 008 համարանիշի և Երևանի բնակիչ՝ 33-ամյա Արտյոմ Կ-ի վարած Vօlkswagen մակնիշի 36 CT 349 համարանիշի ավտոեմեքենաները։ Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով Opel-ի ուղևոր՝ Նոր Հաճըն քաղաքի բնակիչ, 30-ամյա Իշխան Ա-ն և Volkswagen-ի ուղևոր՝ Երևանի բնակիչ, 35-ամյա Գրիշա Ղ-ն մարմնական վնասվածքներով տեղափոխվել են թիվ 1 համալսարանական հիվանդանոց։ Օպերատիվորեն ժամանել են նաև Արտակարգ իրավիճակների նախարարության Փրկարար ծառայության հրշեջ-փրկարարական ջոկատը՝ 1 մարտական հաշվարկով։ Փրկարարները հոսանքազրկել են ավտոմեքենաները, փակել գազաբալոնն ու սահմանազատել տարածքը։ Օպերատիվորեն ժամանել են Երևանի ճանապարհային ոստիկանության ծառայողները։ Վթարի մասին Երևանի ՃՈ օպերատիվ կառավարման կենտրոնի պատասխանատու հերթապահ Արսեն Կարապետյանը տեղեկությունը փոխանցել է Ճանապարհային Ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հերթապահ խումբը՝ բաժանմունքի պետ Խաչիկ Սամվելյանի, հետաքննիչ Հրայր Ստեփանյանի գլխավորությամբ։ Փաստի առթիվ Հ. Ստեփանյանի կողմից նյութեր են նախապատրաստվում։