Ոստիկանության պետն այդ պահին գտնվել է դեպքի վայրում. Ոստիկանության պարզաբանումը
Ապրիլի 28-ին՝ ժամը 17.40-ի սահմաններում, կրակոցներ են հնչել Գավառ քաղաքում, նախնական տվյալներով՝ Գավառի համալսարանի մոտակայքում։ Կան զոհեր և վիրավորներ: Այս մասին հայտնում են ՀՀ ոստիկանությունից:
Դեպքի վայր են ժամանել ոստիկանության պետն ու բարձրաստիճան սպաներ: Անհրաժեշտ գործողություններ են իրականացնում օպերատիվ-քննչական խմբեր:
Ձեռնարկվում են միջոցառումներ կատարվածի բոլոր հանգամանքները պարզելու ուղղությամբ:
Հարուցվել է քրեական գործ: Կատարվում է նախաքննություն:
Միաժամանակ նշենք նաև, որ լրատվամիջոցները դեպքի հետ կապված սխալ տեղեկություններ են հրապարակում:
Նշվում է նաև, որ հարձակում է եղել հիվանդանոցի վրա և նույն պահին այնտեղ է եղել ՀՀ ոստիկանության պետը: Ոստիկանության պետն այդ պահին գտնվել է դեպքի վայրում, ոչ թե` հիվանդանոցում:
Լրատվամիջոցներին կոչ ենք անում չճշտված տեղեկություններ չհրապարակել:
Նախաքննության շահերից ելնելով դեպքի վերաբերյալ լրացուցիչ տեղեկատվություն կտրվի ավելի ուշ:
Նշենք, որ Ոստիկանության ֆեյսբուքյան էջում տեղադրված հաղորդագրությունը քիչ անց հեռացվեց:
Հետևեք մեզ Viber-ում
