Ուղեղի աշխատանքը խթանող մթերքներ

Հարվարդի համալսարանին կից բժշկական դպրոցի գիտաշխատողները հրապարակել են այն սննդամթերքների ցուցակը, որոնք խթանում են ուղեղի աշխատանքը և մտավոր ակտիվությունը: Այս մասին հայտնում է woman-talk.com-ը: Տվյալ ցուցակը կարելի է բաժանել 4 խմբի: Առաջին խմբում տեղ են զբաղեցրել ճարպոտ ձկների տարբեր տեսակներ: Դիետոլոգները խորհուրդ են տալիս շաբաթական 1-2 անգամ ձուկ օգտագործել: Երկրորդ խմբում են կաթը և կաթնամթերքները: Հետազոտության արդյունքները ցույց են տվել, որ պարբերաբար կաթ օգտագործողների մոտ բարելավվում են տրամաբանական մտածողությունը և հիշողությունը: Երրորդ խմբում են լոբազգիները, որոնք համարվում են վիտամին B-ի աղբյուր: Չորրորդ խմբում լոլիկներն են՝ շնորհիվ լիկոպինի պարունակության, ինչը չեզոքացնում է ուղեղում ազատ ռադիկալների բացասական ազդեցությունը: Մասնագետները պարզել են, որ ջերմային մշակման ժամանակ լոլիկներում այդ հակաօքսիդանտի պարունակությունը միայն ավելանում է: Լիկոպինը ունի մաքրող և առողջարար ազդեցություն, այն նաև երիտասարդացնում է մաշկը: