Համոզվեցի, որ իմ որոշումը՝ մասնակցել այս հանձնաժողովի նիստին, ամբողջովին արդարացված էր. Սերժ Սարգսյան
«Իմ որոշումը՝ մասնակցել այս հանձնաժողովի նիստին, ամբողջովին արդարացված էր: Նիստն ընթացել է շատ նորմալ պայմաններում, փոխադարձ հարգանքի մթնոլորտում, և ես շատ ուրախ եմ, որ կարողացել եմ նաև լրացուցիչ տեղեկությւոններ հայտնել ապրիլյան ռազմական գործողությունների վերաբերյալ: Ես չեմ կարող ոտքի վրա, իրար ընդհատելով պատասխանել բոլոր հարցերին և հանրությանը հասցնել իրական, հավաստի տեղեկություններ:Դրա համար առաջիկայում մանրամասն կպատասխանեմ հարցերին»,- ԱԺ ապրիլյան իրադարձությունները քննող ժամանակավոր հանձնաժողովի նիստից հետո լրագրողների հետ զրույցում ասաց ՀՀ երրորդ նախագահ Սերժ Սարգսյանը:
Հարցին, թե ինչ պարզաբանում կտա յան հարցին, թե վերջերս ցուցադրված ֆիլմում արած իր այն հայտարարությունը, որ մենք ոչ թե 800 հեկտար ենք կորցրել այդ պատերազմում, այլ 400 հեկտար, պատասխանեց. «Երբ արտակարգ դրությունը վերանա, ես խոստանում եմ բոլորիդ՝ մանրամասն, ցանկացած հարցով, տրամաբանական, տեղին, թե անտեղի և ինչքան ժամանակ կցանկանաք, ես հաճույքով կտրամադրեմ և կպատասխանեմ»:
Իսկ ի՞նչ կասի դավադրությունների վերաբերյալ խոսակցությունների մասով, որ տեղյակ են եղել հարձակումից և այլն, Սերժ Սարգսյանն ասաց, որ ինքը չի ներքաշվի որևէ կերպ չի ներքաշվելու այստեղ հարցուպատասխանի մեջ:
«Ուղղակի ասեմ, որ երբեք, որևէ պարագայում ես չեմ ղեկավարվելու ոչ դավադրությունների տեսություններով, ոչ էլ, ենթադրում եմ, որ ամբողջ աշխարհը, այդ թվում՝ մեր դաշնակիցները, մեր գործընկերները դավադրություններ են հյուսում հայ ժողովրդի շուրջ: Չկա էդպիսի բան: Այն, որ մենք ունենք թշնամիներ, դա ակնհայտ է, բայց մենք ունենք բամզաթիվ բարեկամներ: Եվ բոլորին էլ խորհուրդ եմ տալիս այդ դավադարությունների տեսություններով չղեկավարվել: Ձեր լսած ինֆորմացին ստուգեք այլ աղբյուրից»,-ասաց նա:
Հետևեք մեզ Viber-ում
