Հայաստանի նախկին ոստիկանապետ Վլադիմիր Գասպարյանը պարտավոր է 900 միլիոն դրամ վճարել փաստացի իրեն պատկանող առանձնատան նախկին սեփականատիրոջը։ Hetq-ի փոխանցմամբ նման վճիռ է կայացրել Երևան քաղաքի ընդհանուր իրավասության դատարանը՝ դատավոր Արթուր Մկրտչյանի նախագահությամբ։ Երևանի «Հաղթանակ» զբոսայգու հարևանությամբ գտնվող առանձնատան նախկին սեփականատեր Աղասի Դանիելյանը դատարան էր դիմել 2018թ.-ին։ Դանիելյանն իր տունը փաստաթղթերով վաճառել էր Վլադիմիր Գասպարյանի զոքանչին՝ Հեղուշ Գալստյանին, սակայն տան գինը՝ 900 միլիոն դրամը, այդպես էլ չէր ստացել։ Տան նախկին սեփականատերը դատարանից պահանջել է, որպեսզի Գասպարյանի զոքանչի պարտավորությունները փոխանցվեն Վլադիմիր Գասպարյանին և նրա կնոջը՝ Սուսաննա Գասպարյանին, քանի որ գործարքի իրական կողմը հենց Վլադիմիր Գասպարյանն է։ Դատարանը 2020 թվականի ապրիլի 10-ին վճռել է Աղասի Դանիելյանի հայցը բավարարել։
Ինչպես ասում են՝ պատմությունը չի ներում դավաճաններին, քանզի մեկին դավաճանողը, մյուսին էլ կդավաճանի: Վովա Գասպարյանը թվում էր Նիկոլ Փաշինյանի ապահով հովանու ներքո վայելում է իր հետհեղափոխական կյանքը, քանզի նախկին ոստիկանապետը թավշյա հեղափոխության օրերին իր մեծ-մեծ ծառայությունը մատուցել է Փաշինյանին եւ նախկին իշխանությանը դավաճանելով անցել է Փաշինյանի կկողմը, ոստիկանության զորքերին հավաքները կանխելու հրահանգներ չի տվել:
Մենք բազում հրապարակումներ ենք ունեցել, որոնցով փաստում էինք, որ հեղափոխությունից հետո կան նախկին առանցքային պաշտոնյաներ, որոնք կարծես գետնի տակն են անցել: Նոր իշխանությունները չեն հիշում այդ մարդկանց անկախ այն բանի, որ շատերը հանդիսանում են նախկին ռեժիմի այսպես կոչված հանցավոր ներկայացուցիչներ, այդ շարքի կարկառուններից են Գասպարյանն ու Աղվան Հովսեփյանը, ովքեր պարբերաբար այցելում էին իրավապահ կառույցներ եւ կոնսուլտացիաներ անցկացնում… Թվում էր, թե Փաշինյանը բարյացկամ կգտնվի այսպես կոչված դավաճանների նկատամբ, ովքեր իրենց ծառայություններն են մատուցել իրեն, բայց ինչպես նշեցինք, պատմությունը չի ներում այդ տեսակներին եւ նրանց հատուցման ժամը վաղ, թե ուշ գալիս է: Վովա Գգասպայանը կարծես առաջինն էր, պատրաստվեն մյուսները…
Անի Սահակյան
Հ.Գ.-Իհարկե,չի բացառվում դատարանի այս որոշումը բողոքարկվի եւ ի վերջո Գասպարյանը չտուժի,պարզապես այս պահին թատրոն է պետք,ինչն էլ բեմադրվում է:Ժամանակը ցույց կտա:
Սեպտեմբերի 2-ին՝ ժամը 13։00-ին, Հայելի ակումբի հյուրն է Գագիկ Մինասյանը
Սեպտեմբերի 2-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Սեպտեմբերի 2-ին՝ ժամը 11։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Սեպտեմբերի 2-ին՝ ժամը 13։30-ին, Հայելի ակումբի հյուրն է Խաչիկ Մանուկյանը
Սեպտեմբերի 2-ին՝ ժամը 12։00-ին, Հայելի ակումբի հյուրն է Րաֆֆի Հովհաննիսյանը
Սեպտեմբերի 1-ին՝ ժամը 13։00-ին, Հայելի ակումբի հյուրն է իրավապաշտպան Լարիսա Ալավերդյանը
Սեպտեմբերի 1-ին՝ ժամը 15։00-ին, Հայելի ակումբի հյուրն է արցախցի Անաստաս Իսրաելյանը
Սեպտեմբերի 1-ին՝ ժամը 12։00-ին, Հայելի ակումբի հյուրն է ԱԺ պատգամավոր Գառնիկ Դանիելյանը
Սեպտեմբերի 1-ին՝ ժամը 11։00-ին, Հայելի ակումբի հյուրն է Հայկ Նահապետյանը
Օգոստոսի 29-ին՝ ժամը 15։30-ին, Հայելի ակումբի հյուրն է Սերգեյ Շաքարյանցը
Հետևեք մեզ Viber-ում
