Ռուսաստանում կորոնավիրուսի հետևանքով Հայաստանի 63-ամյա քաղաքացի է մահացել
Ռուսաստանի Դաշնության Վորոնեժ քաղաքի 8-րդ շտապ բուժօգնության հիվանդանոցում 63-ամյա տղամարդ է մահացել: Այս մասին տեղեկացնում է РИА Воронеж գործակալությունը` հղում տալով Վորոնեժի մարզի կառավարության մամուլի ծառայությանը:
Հայաստանի քաղաքացին Մոսկվայից Վորոնեժ էր մեկնել մարտի 24-ին: Նա պատմել էր, որ առաջին ախտանշաններն ի հայտ են եկել ապրիլի 2-ին, սակայն ապրիլի 6-ին է կանչել շտապօգնություն: Բժիշկները նրա մոտ կորոնավիրուս են կասկածել և հոսպիտալացրել են:
Համակարգչային տոմոգրաֆիան հիվանդի մոտ երկկողմանի թոքաբորբ է հաստատել: Ապրիլի 8-ից հիվանդին միացրել են թոքերի արհեստական օդափոխության սարքին: Բուժումը բարդացել է հիվանդի մոտ սրտանոթային և շնչառական համակարգերի լուրջ քրոնիկ հիվանդությունների պատճառով, և ապրիլի 12-ին նա մահացել է:
Հետևեք մեզ Viber-ում
