Լևոն Տեր-Պետրոսյանը շատ լավ հասկանում է՝ Նիկոլ Փաշինյանի իշխանության ավարտը մոտենում է.քննարկում (video)
Անժելա Թովմասյանի՝ Արմնյուզ ՀԸ «Հայելու առաջ» հեղինակային հաղորդման ժամանակ, փաստաբան Միհրան Պողոսյանն ու «Քաղաքացիական գիտակցություն» ՀԿ նախագահ Նարեկ Սամսոնյանն անդրադարձել են կորոնավիրուսով պայմանավորված կալանավայրերը «բեռնաթափելու» անհրաժեշտությանը․
Միհրան Պողոսյանը նշել է․ «Միջազգային կառույցների կոչերը բոլորիս են հայտնի։ Բազմաթիվ են մեղադրյալները, ովքեր գտնվում են խոցելի խմբում, բայց նրանց նկատմամբ որևէ բարեհաճ վերաբերմունք չի դրսևորվում։ Ակնհայտ է եզրահանգումս՝ չեն ցանկանում նմանատիպ թիրախային խմբում մարդկանց ազատ արձակել, որպեսզի Ռոբերտ Քոչարյանի պաշտպանները այդ որոշումները դատարանում չօգտագործեն՝ ցույց տալով կոնկրետ այս գործով խտրական վերաբերմունք»։
Նարեկ Սամսոնյանն էլ խորին համոզմունք ունի, որ բացառապես քաղաքական դատավարություններով է պայմանավորված կալանավայրերը «բեռնաթափելու» քայլին չգնալը․ «Նորմալ իշխանությունը հրապարակայնորեն կդիմեր դատախազությանն ու կխնդրեր, որ հենց Ռոբերտ Քոչարյանի գործով վերանայեին նախնական կալանքի որոշումը»։ Ըստ նրա՝ այս պարագայում առաջին հերթին բարոյականության խնդիր կա։
Մանրամասները՝ տեսանյութում․
Հետևեք մեզ Viber-ում
