Որ կետն է բաց թողել Լևոն Տեր-Պետրոսյանը

Առաջին նախագահ Լեւոն Տեր-Պետրոսյանը հանդես է եկել հայտարարությամբ ՝ ստեղծված իրավիճակը գնահատելով պատերազմական և մի քանի կոչ-խորհրդով հանդես եկել՝ նախեւառաջ հանգիստ թողնել, չխանգարել իշխանություններին:

Հարկ է նշել, որ իր ծավալուն խոսքում նա բառ անգամ չի խոսել ՀՀ երկրորդ նախագահի ազատության մասին, ինչի մասին վերջին օրերին խոսում են գրեթե բոլորը, հորդորում անհապաղ ազատ արձակել ռիսակային ու թիրախային խմբում գտնվող Ռոբերտ Քոչարյանին: Առաջին նախագահին ճանաչողները արտասովոր ոչինչ չեն համարում, քինախնդիր այս մարդը, որը գենետիկ վրեժխնդրությամբ է լցված Ռոբերտ Քոչարյանի նկատմամբ, բնականաբար, չէր հիշելու նրան: Ի դեպ, երկրորդ նախագահն իր գրքում Տեր-Պետրոսյանին վերաբերող դրվագում մի հետաքրքրական դիպված է ներառել, թե ինչպես է առաջին նախագահը իր հետ քայլելու ընթացքում ծոցագրպանից հանել նոթատետրը եւ գրի առել այդ պահին մտքին եկած այն մարդու անունը, ով իրեն վատություն է արել, գրի է առել, որ վրեժխնդիր լինի: