Հայհոյում են, թող հայհոյեն... Նիկոլ Փաշինյան (video)
Ֆեյսբուքյան ուղիղ եթերի ընթացքում ՀՀ վարչապետ Նիկոլ Փաշինյանը՝ անդրադառնալով օգտատեր Վարդան Հարությունյանի հարցին, թե երբ պետք է վերջնականապես մեծ պատիժների արժանանան դեղին մամուլի ղեկավարները, որոնք տարածելով սուտ լուրեր՝ անպատիժ են մնում, ասաց. «Ինքներդ կարող եք արգելափակել կեղծ լուրեր տարածողներին, չընթերցել այն լրատվամիջոցները, որոնք, ձեր կարծիքով, սուտ լուրեր են տարածում»:
Կեղծ լուրերը կբաժանեմ երկու մասի՝ ՀՀ ազգային անվտանգության սպառնալիքներ և անձնական բնույթի վիրավորանքներ: Առաջինի դեպքում աշխատում են իրավապահ մարմինները, ասաց նա և կեղծ լուրերի երկրորդ հատվածի մասին վարչապետը նշեց, որ, բնականաբար, տհաճ է, երբ հայհոյում են իրեն կամ իր ընտանիքի անդամներին, բայց եթե հայհոյանքների կամ նմանատիպ երևույթների, ծաղրանկարների դեպքում սկսեն պատժել, դա կլինի ժողովրդավարության ոտնահարում:
Վարչապետը նշեց, որ քանի դեռ ՀՀ քաղաքացիները այդ բովանդակությունը չեն կիսում, նշանակում է՝ Կառավարության և քաղաքացիների միջև վստահություն կա: «Ժողովրդավարության պայմաններում անելիքը ոչ թե Կառավարությանն է, այլ հանրությանը»,-ասաց Փաշինյանը:
Հետևեք մեզ Viber-ում
