«Բանդան» հասավ Արցախ
«Հեղափոխության պահապանները», իսկ որ ավելի ճիշտ է ասել Նիկոլ Փաշինյանի խունվեյբիները մեծ հանդիսավորությամբ ավետեցին իրենց մուտքը Արցախ, որտեղ ինչպես գիտենք մարտի 31-ին սպասվում են նախագահական ընտրություններ: Խմբում են Ջիվան Աբրահամյանը եւ մյուս հրոսակները, որոնք հեղափոխությունից հետո մոտ երկու տարվա ընթացքում բազում «հերոսություններով» են աչքի ընկել: Սկզբում Աբրահամյանի մասին ասում էին, թե Դոն Պիպոյի ջահելն է, բայց հետո պարզվեց, որ իշխանության հրոսակախումբն է: Հենց այս երիտասարդներն էին, որ սպառնում էին ջարդել Արցախի նախագահ Բակո Սահակյանի գլուխը, որ հարձակվեցին թոռնիկի հետ զբոսանքի դուրս եկած ՀՅԴ-ական Հրանտ Մմարգարյանի վրա, որ ձվերով հարձակում գործեցին Հայելի ակումբի վրա, որ բոլորովին վերջերս հեղափոխության պահապաններ անվան տակ փնտրում ու գտնում էին Փաշինյանի թթու խոսք ասած մարդկանց ու տեղում նրանց դատաստանը տեսնում՝ ծեծում ու ջարդում: Հիմա այս բանդան ներխուժում է Արցախ, բնականաբար, ոչ բարի նպատակներով: Նրանց չպատժեցին որեւէ արարքի համար ու հիմա կասկած չկա, որ նույն չարագործ նպատակներն են հետապնդելու նաեւ Արցախում: Մնում է սպասել Արցախի իշխանության գործողություններին՝ կդիմեն արդյոք կտրուկ քայլերի, ինչպես դա արեցին տարիներ առաջ, երբ խժդժություններ հրահրելու նպատակով Արցախ էին ուղեւորվում Սասնա ծռերը, թե կընկրկեն Սորոսի ծրագրին ընդառաջ:
Տեղեկություններ տարածվեցին, որ նրանք գնում են աջակցելու սորոսական թեկնածու Մասիս Մայիլյանին եւ բանդայի աշխատանքների համակարգմամբ զբաղվում է Մայիլյանի դաշնակից Սամվել Բաբայանը:
Արցախում է նաեւ հայտնի սորոսական Արսեն Խառատյանը:
Հ.Գ.-Քիչ առաջ տեղեկացանք, որ անձամբ Ջիվան Աբրահամյանին, նույն օրը, երբ մտել է Արցախ, գիշերվա 4-ին վտարել են Արցախից, մեզ մնում է ասել, որ տարոսը մյուսներին լինի եւ Արցախն ազատագրեն խառնակիչներից:
Անի Սահակյան
Հետևեք մեզ Viber-ում
