Նիկոլ Փաշինյանը կորոնավիրուսի հետ կապված երկու ռեկորդ է սահմանել. առաջին վարակվածը կպարգևատրվի

«Շանթ» հեռուստաընկերության «Հեռանկար» հաղորդաշարին տված հարցազրույցում վարչապետ Նիկոլ Փաշինյանը հայտարարել է, որ կորոնավիրուսի ստեղծած իրավիճակը Հայաստանում տնտեսական հեղափոխություն իրականացնելու նոր հնարավորություն է: «Հիմա կանխատեսվում է համաշխարհային տնտեսության փլուզում, դա իր ազդեցություն ունենալու է նաև Հայաստանի վրա: Եթե նախկինում ասում էինք, որ տնտեսական հեղափոխություն ենք անում, 7-8% տնտեսական աճ ենք ունենալու, հիմա ասում ենք՝ եկեք այդ թվերը մոռանանք ու դնենք մի կողմ: Հիմա իսկապես եկել է տնտեսական հեղափոխություն անելու ժամանակը: Այս կորոնավիրուսը մեզ համար բացում է նոր հնարավորություններ»,- ասել է Փաշինյանը: «Վարչապետի պաշտոնում ընտրվելուց հետո անընդհատ, մտածում էին նոր համակարգերի ստեղծման մասին, սակայն առկա էր լարվածություն, որ եղած որեւէ բան չփլուզենք, քանի դեռ չկա ստեղծված նորը: Հիմա ամեն ինչ փլուզվում է, եւ մենք ունենում ենք մի մեծ շինհրապարակ: Ասվածը, սակայն չի ենթադրում, որ նախկինում եղած ամեն բան թողնվելու է ետևում: Սակայն մենք պետք է մտածենք այդ շինհրապարակում նոր կյանք, նոր պետություն, նոր հանրություն, նոր տնտեսություն, նոր հնարավորություն ունենալու մասին:
Ամենանվազագույն հաշվարկներով, աշխարհում դիտարկվելու ՀՆԱ-ի մոտ 2 տրիլիոն դոլարի անկում է լինելու: Սա նշանակում է, որ այդ դաշտում 2 տրիլիոն դոլարի թափուր հնարավորություն է լինելու: «Եվ, եթե այդ 2 տրիլիոնի մեջ Հայաստանը կարողանա 40 մլրդի տեղ ունենալ, ապա դա կնշանակի, որ մենք մեր ՀՆԱ-ն քառապատկում ենք: Այս նոր աշխարհում պետք է հասկանալ, թե որտեղ է պետք ներդրումներ անել, քանի որ արտադրական հարաբերությունները փլուզվելու են»,-ասել է Փաշինյանը:
Նա նաև հայտարարել է, որ անպայման պարգևատրելու է կորոնավիրուսով վարակված առաջին հիվանդին` ճիշտ վարքագիծ ցուցաբերելու համար:
Փաստորեն, Հայաստանը կորոնավիրուսի հետ կապված երկու համաշխարհայն ռեկորդը կարող է սահմանել: Ողջ աշխարհը փորձում է հաշվարկել ու կանխատեսել կորոնավիրուսի առաջ բերած տնտեսական փլուզումների վնասները, Փաշինյանը հրճվում է այն մտքից, որ աշխարհը փլուզվում է, ինչը շատ լաբվ է, որովհետև տնտեսական հեղափոխության բացառիկ շանս է: Եթե կորոնավիրուսի առաջացրած տնտեսական շոկը երկարատև լինի, մեր նման պետությունների համար շատ ավելի մեծ է հավանականությունը, որ կմնանք դրա փլատակների տակ: Հատկանշական է, որ Նիկոլ Փաշինյանը տնտեսական հեղափոխությունն առանց փլուզման չի պատկերացնում: Դոռ մի բան էլ բոլշևիկյան պաթոսով ուրախանում է, որ ամեն ինչ փլուզվում է, առանց հասկանալու, որ այդ նոր շինհրապարակում ինչ-որ նոր բան կառուցելու համար միջոցներ են պետք, ներդրողներ են պետք, որոնք Հայաստանում համարյա չկան, եթե իհարկե նախկինից մնացած օլիգարխներին չհաշվենք: Աշխարհի բոլոր երկներում կանխատեսվումէ անկում, հարկային միջոցների նվազում, սոցիալական լարվածության մեծացում: Արտակարգ իրավիճակի ավարտից հետո տնեսությունը անցումային փուլ պետք է ապրի, որպեսզի կարողանա վերադառնալ նախնական վիճակին: Աղքատության շեմը հաղթահարելու եզրագծին գտնվող մարդիկ կարող են մի քանի քայլով ետ գնալ ու կրկին հայտնվել աղքատության ավելի ցածր մակարդակում: Սա ճգնաժամի ոսկե կանոնն է , որը 30 տոկոս աղքատություն ունեցող երկրում շատ լուրջ ռիսկ է:
Իսկ երկրորդ ամենամեծ ռիսկային ռեկորդը կորոնավիրուսով առաջին վարակվածին պարգևատրելն է: Տեսնես ինչից է, որ Չինաստանի, Իտալիայի, Պարսկաստանի, Վրաստանի կամ մեկ այլ երկրի ղեկավար գլխի չի ընկել, որ կարելի է առաջին վարակվածին պարգևատրել: Մարդն հանճարեղ է էլի, հո զոռով չի:

Հայկ Դավթյան