Իսլամ Կարիմովի ավագ դուստրը դատապարտվել է 13 տարվա բանտարկության
Գերագույն դատարանի մամուլի ծառայությնունը հայտնել է, որ Տաշքենդի քրեական գործերով քաղաքային դատարանը Ուզբեկստանի առաջին նախագահ Իսլամ Քարիմովի ավագ դուստր Գուլնարային, որն արդեն նախորդ դատավճռով պատիժ է կրում, դատապարտել է 13 տարի 4 ամիս ժամկետով ազատազրկման:
«Դատարանը Քարիմովային մեղավոր է ճանաչել հանցավոր միության կազմակերպման, շորթման, յուրացման եւ վատնման, հանցավոր գործունեությամբ ստացված եկամուտների օրինականացման ճանապարհով հափշտակության եւ այլ հանցագործությունների մեջ: Դատարանի վճռով Գ. Քարիմովան ազատազրկվում է 13 տարի 4 ամիս ժամկետով: Մի քանի դատաճիռներով պատիժների հանրագումարին համապատասխան այս պատժաժամկետը հաշվարկվելու է 2015 թվականի օգոստոսի 21-ից»,- նշված է հաղորդագրության մեջ:
Դատարանը հրապարակել է նաեւ այս գործով մյուս ամբաստանյալների դատավճիռները: Նրանցից չորսը դատապարտվել են 17-ից մինչեւ 20 տարվա ազատազրկման: Եվս մեկը՝ 5 տարի 3 ամիս 21 օր ժամկետով պայմանական ազատազրկման՝ 3 տարի փորձաշրջանով, երկուսը պատասխանատվությունից ազատվել են վաղեմության ժամկետը լրանալու հիմքով:
Հետևեք մեզ Viber-ում
