Նիկոլից կիզված Արամ Սարգսյանն ու Սասուն Միքայելյանը

Սահմանադրական իրավունքի մեծ մասնագետներն այս օրեին մարզից մարզ են շրջում, համայնքից համայնք ու բացատրում ազգաբնակչության, թե ինչու է իրենց՝ իշխանականների կամ իշխանահպատակների համար այդքան կարեւոր Այո-ի հաղթանակը: Օրինակ Սասուն Միքայելյանի կարծիքով Այո-ն թավշյա հեղափոխությունն է, ժողովրդի հաղթանակը, եթե կուզեք՝ մեր պատմությունը, մեր հոգեբանությունը , մեր սուրբ մայրերը, մեր պետությունն ու պետականությունն է,եւ որ այս ամեն ինչը նախորդ իշխանությունները մեր «ԱՅՈ»-ն «ոչ»-ով մեր ձեռից վերցրել ու ձևավորել է իր ցանկությամբ:
Նախկին իշխանությունները չեն սիրել մեր ժողովրդին, մեզ, բոլորիս. «Ժողովրդին սիրող ղեկավարը երբեք ժողովրդին չի տանի ուրիշ ճանապարհով, որովհետև մենք հաղթանակ ենք տարել, մենք մեր հաղթանակի արժեքի գինը չհասկացանք… Այսօր մենք պետք է ասենք «ոչ» էդ տականքներին, էդ «ոչ»-ը ձեր «այո»-ն է։ Այն «ոչ»-ը, որ տարիներ շարունակ խլել է մեր ազատությունն ու անկախությունը, մենք մեր «այո»-ով պետք է վերափոխենք, ձևավորենք, որ հետագայում մեր երեխաները ապագա ունենան։ Մենք եկել ենք դիմենք, խնդրենք ձեզ, ասենք, որ մեր երկրում բան է փոխվել, ինչը 20 տարի է չէր փոխվում, դա փոխել է «Իմ քայլը» դաշինքը: Փոխվել է պարոն վարչապետի գլխավորությամբ, էդ բոլորը տեսանելի ու հասկանալի է, մենք չենք եկել, որ հեծանիվ ստեղծենք»,-ասում է Միայելյանը: Փաստորեն ըստ Միքայելյանի՝ նախկինները զազրելի արարածներ են, սատատաներ, իսկ իրենք անմեղ հրեշտակներ: Ամենաանմեղն էլ հաստատ ինքն է, ով 2007-ի դեկտեմբերին Սերժ Սարգսյանի թեկնածությունն առաջարկեց ՀՀԿ համագումարում, հենց ինքն է, ով մինչեւ վերջերս Սերժ Սարգսյանին համարում էր իր զինակից ընկերը եւ մարտյան իրադարձություններից հետո էլ շարունակում էր կապը պահել Սերժ Սարգսյանի հետ: Մյուս սահմանադրագետը Վազգեն Սարգսյանի եղբայրը լինելու բացառիկ առաքելությամբ Արամ Սարգսյանն է: Մարդ, հեղափոխությունից հետո շուրջօրյա ռեժիմով քծնում է Նիկոլ Փաշինյանին, բայց անօգուտ, նրանք ոչ ոք ոչ տեսնում, ոչ գնահատում է, պետք եղած ժամանակ միայն օգտագործում են :
Արամ Զավնիչի սկզբունքայնությունն այնքան է խաթարվել, որ այսօր խոսում է 1996–ի ընտրակեղծիքներից, երբ ընտրակեղծիքների մեջ մեծ դերակատարում ուներ իր եղբայրը՝ Վազգեն Սարգսյանը։

Անի Սահակյան